Jo shumë i njohur për cilësitë në futboll, por është hero i madh jashtë fushe – lojtari gjerman që shpëton jetë ditën e ndeshjes

Marcel Franke nuk është i njohur për shënimin e golave, por është i njohur si një person që shpëton jetën e të tjerëve. Qendërmbrojtësi i Karlsruherit, nga liga e dytë gjermane, është shfaqur si një superhero në botën e futbollit.

Gjashtë vjet më parë, kur ai luante për Greuther Furth, ai u regjistrua për një program dhurimi të qelizave staminale përmes një organizate jofitimprurëse (DKMS).

Tre muaj më parë, më në fund i erdhi telefonata që e kishte pritur kaq gjatë. Qelizat e tij përputheshin plotësisht me ato të një pacienti të diagnostikuar me leukemi.

🗣️ @KarlsruherSC's Marcel #Franke found out three weeks ago that he is a perfect stem cell match to potentially save a life.

The centre back, who has not missed a game so far in the #2Bundesliga, will miss this weekend's game in order to donate his stem cells. 👏 pic.twitter.com/YUGy0u0ug5

— Bundesliga English (@Bundesliga_EN) October 12, 2022

“Unë fola me gruan time, por ne e kishim të qartë se çfarë do të bënim. Të jesh në gjendje të shpëtosh jetën e dikujt është një ndjenjë e mrekullueshme”, pranoi Franke për “DPA”.

Franke, i cili kishte luajtur çdo ndeshje deri më sot, caktoi kohën e dhurimit që të përkonte me vizitën në Darmstadt: “Bëra disa kërkime paraprake, i thashë stafit stërvitor se do të doja ta bëja dhe ata u entuziazmuan menjëherë”.

Mbrojtësi i Karlsruherit u injektua me një faktor rritjeje në mënyrë që qelizat burimore të mund të transportoheshin më mirë nga palca e eshtrave në gjak. Gjatë javës ai vazhdoi të ushtrohej, por me moderim, derisa të enjten e kaluar mbërriti dita e madhe.

View this post on Instagram

A post shared by Marcel Franke (@marcel_franke28)

“Është një proces relativisht i relaksuar. Çdokush mund ta bëjë atë”, bën të ditur Franke, i cili qëndroi në spital për tre orë. “Kënaqësia për atë që mund të arrini është më e madhe se përpjekja që më është dashur mua. Fatkeqësisht, ka ende shumë njerëz atje jashtë duke pritur për një donator. Unë kërkoj nga të gjithë të regjistrohen dhe të ndihmojnë në shpëtimin e jetëve”, shkroi 29-vjeçari.

Franke i është rikthyer stërvitjeve të hënën dhe sot (e mërkurë( do të përballet me Sandhausen në Kupë. “Jo vetëm që do të udhëtojë me ekipin, por do të luajë”, konfirmoi Christian Eichner, trajneri i Karlsruherit. Për shokët e tij të skuadrës ai është një hero: “Mund të jesh krenar vetëm duke parë atë që ai ka bërë. Në raste si kjo, futbolli është në prapavijë”, deklaron Phillip. /Telegrafi/