Japonezja e veshur si shërbëtore, e para në kampionatin e ‘kitarës së ajrit’ (Video)

Entuziastët e ‘kitarave të ajrit’ nga mbarë bota, janë mbledhur në Oulu të Finlandës, për të interpretuar në instrumentin imagjinar, si pjesë e kampionatit ku shfaqet kjo formë bizare vallëzimi.

Nën një qiell të errët dhe me shi, 15 finalistët kanë dalë para qindra persona dhe tregonin aftësitë e tyre në improvizimin e rënies së telave, kinse kishin në duar një kitarë, transmeton Telegrafi.

Garuesit përformuan në moton ‘mantra’ që është akronimi i fjalëve që nënkuptojnë ‘bëni dashuri dhe jo luftë’, ndërsa koreografia tyre u vlerësua prej jurisë, në baza të ‘sasisë së ajrit që ofruan’.

Në edicion e 23-të të këtij kampionati, fituese doli japonezja Nanami ‘Seven Seas’ Nagura. Përformansa saj filloi me atë të veshur si shërbëtore, para se të rrëmbehet nga ritmi muzikor dhe të kthehet në një yll roku, me ‘kitarë ajri’ në dorë.

Megjithëse ata imitonin sikurse e kanë një instrument në dorë, fituesja Nagura pranoi një skulpturë kitare ari të punuar nga Flying Finn. /Telegrafi/