Jadon Sancho synon t’ua “dëshmojë njerëzve se gabuan” pas vështirësive te Manchester United

Anësori i Chelseat, Jadon Sancho, e ka pranuar se do shumë njerëzve t’iu tregojë se e kishin gabim, për sezonin zhgënjyes te Manchester United.

Sancho kur ishte i ri u konfirmua si një nga talentet më të mirë të Evropës gjatë qëndrimi katër vjeçar në Borussia Dortmund, duke fituar një transferim prej afron 80 milionë euro në “Old Trafford”, ndërsa ishte ende vetëm 21 vjeç.

“Që nga dita e parë, ata më bënë të ndihem i mirëpritur në Chelsea”.

“Unë e di që kam shumë njerëz për tua dëshmuar që ishin gabim. Kam punuar shumë. Më lejoni të falënderoj stafin dhe ekipin që besuan në mua dhe më dhanë këtë mundësi”, ka thënë Sancho.

Edhe trajneri Enzo Maresca komentoi paraqitjen e tij, duke thënë se ndeshja ndaj Tottenham tregon arsyen se pse klubi e transferoi.

“Unë thashë që në fillim se arsyeja pse Jadon erdhi këtu është sepse ne mendojmë se Jadon do të na ndihmojë”.

“Për fat të keq, ai kishte disa probleme të vogla, kështu që ai ishte jashtë për një kohë. Tani ai është kthyer. E vetmja gjë që duhet të bëjë është të vazhdojë në të njëjtën mënyrë. Ai nuk mund të bjerë, përndryshe ai nuk do të luajë”, deklaroi Maresca.

Detyrimi i Chelseat për ta bërë marrëveshjen të përhershme gjatë verës mendohet të jetë deri në 30 milionë euro. /Telegrafi/