Izraeli urdhëron evakuimin e zonës humanitare në Gazë për të filluar një operacion ushtarak kundër Hamasit

Ushtria izraelite ka urdhëruar evakuimin e një pjese të zonës humanitare Muwasi në Gazë për të filluar një operacion kundër militantëve të Hamasit, ndërsa negociatat për armëpushim po vazhdojnë.

Ushtria ka njoftuar se ata planifikojnë të fillojnë një operacion kundër militantëve të Hamasit, të cilët janë vendosur në zonë dhe e kanë përdorur atë për të lëshuar raketa drejt Izraelit.

Zona përfshin pjesën lindore të zonës humanitare Muwasi, e cila ndodhet në Rripin jugor të Gazës.

Në fillim të këtij muaji, Izraeli vlerësoi se një milion palestinezë janë tani në zonën humanitare, e cila mbulon rreth 14 kilometra përgjatë Mesdheut, shkruan euronews, përcjell Telegrafi.

Sipas OKB-së dhe grupeve humanitare, pjesa më e madhe e asaj zone tani është e mbuluar me kampe të cilave u mungojnë kanalizimet, objektet mjekësore dhe kanë qasje të kufizuar në ndihmë.

Due to significant terrorist activity and rocket fire toward the State of Israel from the eastern part of the Humanitarian Area in Gaza, remaining in this area has become dangerous. Accordingly, at this time, the Humanitarian Area will be adjusted. The adjustment is being carried… pic.twitter.com/bk5GGNXn6M

— Israel Defense Forces (@IDF) July 22, 2024

Bëhet e ditur se njoftimi erdhi gjatë negociatave delikate që kërkonin një armëpushim në Gazë, me zyrtarët amerikanë dhe izraelitë që shprehën shpresën se një marrëveshje është më afër se kurrë.

Lexo po ashtu Netanyahu drejt SHBA-së për një takim me Bidenin dhe një fjalim historik në Kongres

Zyra e kryeministrit izraelit, Benjamin Netanyahu, ka deklaruar se bisedimet do të vazhdojnë gjatë javës, me Egjiptin, Katarin dhe SHBA-në që po i shtyjnë Izraelin dhe Hamasin drejt një marrëveshjeje që do të ndalonte luftimet dhe do të lironte pengjet.

Ndryshe, Netanyahu do të takohet me presidentin amerikan Joe Biden, i cili së fundmi njoftoi se po tërhiqet nga gara presidenciale.

Kryeministri izraelit tha se pavarësisht se kush do të bëhet president i ardhshëm i SHBA-së, “armiqtë duhet ta dinë se Izraeli dhe Shtetet e Bashkuara qëndrojnë së bashku nesër dhe gjithmonë”. /Telegrafi/