Izraeli tërheq diplomatët nga Turqia pas deklaratave të Erdoganit

Ministri i Jashtëm i Izraelit ka tërhequr diplomatët nga Turqia për shkak se marrëdhëniet midis dy vendeve janë përkeqësuar.

Eli Cohen tha gjithashtu se Izraeli do të vlerësojë marrëdhëniet e tij me Turqinë, transmeton Telegrafi.

“Duke pasur parasysh deklaratat e rënda që vijnë nga Turqia, unë kam urdhëruar kthimin e përfaqësuesve diplomatikë atje për të kryer një rivlerësim të marrëdhënieve midis Izraelit dhe Turqisë”, tha ai.

Lexo po ashtu Erdogan thotë se do ta shpallë Izraelin një vend kriminal lufte

Kjo vjen pasi Presidenti turk Recep Tayyip Erdogan përsëriti pretendimet se Izraeli është një pushtues i Palestinës dhe se grupi militant Hamas nuk është terrorist.

Ai i bëri komentet në një tubim masiv pro-palestinez në Stamboll më herët sot.

Lexo po ashtu Erdogan përsëri kritikon ashpër Izraelin: Të dalë nga kjo “gjendje çmendurie” dhe t’i ndalë sulmet në Gaza

Erdogan, i quajti sulmet e Izraelit në Gaza një “masakër” dhe tha se aleatët perëndimorë të vendit ishin “fajtori kryesor” pas atyre që ai i quajti krime lufte nga Izraeli.

“Izrael, ne do të shpallim një vend kriminal lufte para botës. Ne po përgatitemi për këtë dhe do ta prezantojmë Izraelin në botë si vend kriminel lufte”, deklaroi ai.