ISW publikon hartën e territorit rus të pushtuar nga Ukraina – hapësirë sa qyteti amerikan i Filadelfias

Forcat ukrainase kanë thyer të paktën dy linja mbrojtëse ruse në një shtytje në zonën e Kurskut, tregojnë hartat e publikuara nga Instituti amerikan për Studimin e Luftës.

Përleshjet shpërthyen të martën në rajonin në kufi me rajonin verilindor të Ukrainës Sumy.

Ndërsa grupet e milicisë anti-Kremlin kanë nisur më parë sulme ndërkufitare në rajonin kufitar të Belgorodit, ky inkursion përfshin njësi të shumta ukrainase, duke përfshirë Brigadën e 22-të të Mekanizuar elitare dhe Brigadën e 82-të Sulmuese Ajrore.

ISW raportoi se imazhet e gjeolokuara treguan se automjetet e blinduara ukrainase kishin avancuar në një pozicion pak më shumë se 10 kilometra brenda kufirit rus, ndërsa burimet ruse raportuan se 11 vendbanime ishin kapur.

NEW: Ukrainian forces have made confirmed advances up to 10 kilometers into Russia’s Kursk Oblast amid continued mechanized offensive operations on Russian territory on August 7.

🧵(1/9) pic.twitter.com/8ZFlCoAgqD

— Institute for the Study of War (@TheStudyofWar) August 8, 2024

Forcat ukrainase thuhet gjithashtu se po përpiqen të avancojnë përgjatë autostradës Suja-Korenovo dhe tani po luftojnë në skajet e këtyre dy vendbanimeve.

Harta e ISW tregon gjithashtu forcat ukrainase duke marrë robër lufte rusë pranë Sujës, të cilët sipas grupit të ekspertëve ishin rreth 40.

Agjencia e pavarur ruse e lajmeve publikoi hartën e saj të fitimeve të raportuara të Ukrainës, e cila tha se ishte pothuajse identike me hartën ISW.

“Kjo zonë mbulon 350 kilometra katrorë”, njoftoi agjencia – zonë sa qytetet amerikane, Filadelfia ose Atlanta. /Telegrafi/