A ishte kjo vjedhja e vitit: Si ia mori Juventusi nga dora Interit mbrojtësin Bremer

Një nga mbrojtësit më të mirë në Serie A, Gleison Bremer, do të bëhet lojtar i ri i Juventusit, ndërsa lajmi është konfirmuar nga shumë mediume italiane sot.

Saga rreth Bremerit mori një përfundim të papritur. Lojtarin të gjithë e menduan si pjesë të Interit, por përfundimisht ai përfundoi në Juventus pasi Zonja e Vjetër iu bashkua garës disa ditë më parë.

Mbrojtësi brazilian dominoi në Serie A me fanellën e Torinos dhe prej kohësh ishte më lartë se klubi ku luante. Erdhi vera dhe nënshkrimin e tij për Interin që pritej tash e disa muaj dështoi.

Bremer kishte një marrëveshje me Interin dhe dy klubet gjetën një gjuhë të përbashkët për shumën finale.

Megjithatë, Juventusi iu bashkua garës pak ditë më parë, duke i ofruar lojtarit dhe klubit më shumë dhe braziliani zgjodhi te shkojë te Juventusi si një përforcim i madh dhe për të zëvendësuar Matthijs de Ligt, i cili u transferua te Bayern Munich.

Siç konfirmoi Fabrizio Romano me fjalët e famshme “Here we go”, është arritur një marrëveshje e plotë dhe Juventusi do t’i paguajë rivalit të qytetit 40 milionë euro, plus shtatë milionë bonuse.

Torino e pranoi ofertën pasi Interi u përpoq të ulte çmimin me disa milionë.

Gleison Bremer to Juventus, here we go! Full agreement now in place with all parties, final bid accepted today by Torino and player side – after the bidding war with Inter.🚨⚪️⚫️ #Juve

Bremer will sign his long-term deal with Juventus soon. €40m fixed fee plus add-ons. pic.twitter.com/ZeUwAb16nY

— Fabrizio Romano (@FabrizioRomano) July 19, 2022

Bremer do të nënshkruajë një kontratë pesëvjeçare me Juventusin dhe do të fitojë pesë milionë euro në sezon.

Oferta e fundit e Interit ishte 30 milionë euro plus një lojtar i ri, por jo e mjaftueshme për Torinon.

Interesant ishte fakti se Interi dhe futbollisti kanë arritur një marrëveshje për pagën gjashtë muaj më parë. /Telegrafi/