Ishte hero në Botëror – por Aston Villa dëshiron që Martinez të largohet sa më shpejt të jetë e mundur

Unai Emery nuk e do Emiliano Martinez në Aston Villa. Është një realitet që u raportuar pak javë më parë nga Fichajes.

Raporti mes të dyve ka eskaluar dhe ish-trajneri i Villarrealit po tërheq të gjitha fijet e mundshme që largimi i portierit nga Argjentina të mos mbetet tentativë.

Martinez është një portier i mrekullueshëm. Aq më tepër nëse vlerësojmë aftësinë e tij për të pritur penallti, gjë që është parë në përmasa të mëdha në Botërorin që përfundoi javën e kaluar.

Në fakt, portieri i Aston Villas ka qenë një nga figurat më të mëdha të Botërorit të fundit në Katar që kur shfaqi cilësitë e tij në pritjen e penalltive, sidomos në finale për ta kurorëzuar Argjentinën kampion.

Megjithatë, portieri argjentinas ka një temperament të veçantë dhe një personalitet të vështirë për t’u menaxhuar. Kjo është demonstruar në shumë raste dhe, pas fitimit të Kupës së Botës, është parë edhe më e ekzagjeruar. Me tallje të shumta me lojtarët francezë, Emiliano është shfaqur si një person i pasjellshëm. Për këtë arsye, Unai Emery dëshiron që ai të largohet sa më shpejt nga “Villa Park”.

Siç raportohet në Fichajes, portieri i Sevillas, Yassine Bounou (Bono) shihet si numri një në portën e Villas. Çmimi i tij do të ishte rreth 40 milionë euro, një shumë e përballueshme për një klub të Ligës Premier. /Telegrafi/