Ish-trajneri i United: Mourinho po të ishte nga çokollata do ta hante vetën

Tommy Docherty, ish-trajneri i Manchester United, nuk është tifoz i Jose Mourinhos, por as i ish –skuadrës së tij.

Ai ka folur për shumë raste që ia ka djegur zemrën pasi e la punën në skuadrën e madhe angleze.

“Jose Mourinho? Ka punuar mirë, por nëse do të ishte i bërë prej çokollatë do hante veten. Vetëm shihni se sa para ka shpenzuar! Ferguson e shiti Pogban për rreth 1 milion dhe ai shpenzoi një shifër të çmendur për ta blerë përsëri. Kjo është të bësh biznes siç duhet apo jo?”, tha skocezi.

Ai ka qenë trajner i United nga viti 1972, deri në vitin 1977, por duket se që atëherë nuk ka shumë marrëdhënie të mira me “Djajtë e kuq”.

“Chelsea më ka dërguar dhurata Krishtlindjeje gjatë 18 viteve të fundit që mund të kenë kushtuar rreth 300 funte. Ky është një gjest fantastik dhe unë shkoj t’i shoh në stadium rreth katër herë në vit”.

“Ka klube të mëdha që sillen si klube të mëdha, ndërsa ka klube të mëdha që sillen si klube të vogla”.

Lexo po ashtu ​Dhjetë lojtarët që kanë shitur më së shumti fanella deri më tani në sezonin 2016/17 (Foto)

“Nuk kthehem më për të parë Unitedin në stadium që pasi filluan të më kërkonin biletën e hyrjes rreth tre vite më parë”.

“Më dërguan një faturë prej 88 funte për dy bileta dhe aty mbaroi gjithçka për mua. Nëse dua të shoh një ndeshje në Mançester, u telefonoj atyre të Cityt dhe ata me gjejnë gjithmonë një vend në stadium”, ka thënë ish-trajneri i United. /Telegrafi/