Ish-trajneri i Belgjikës, Jones: Courtois do të largohet nga Chelsea

Ish-ndihmës trajneri i Belgjikës, Graeme Jones mendon se Thibaut Courtois do të largohet “patjetër” nga Chelsea para se të mbyllet afati kalimtar i verës.

Portieri 26-vjeçar ka qenë i lidhur me një largim nga Santiago Bernabeu tash e disa kohë pasi nuk e ka fshehur dëshirën e tij për t’u ribashkuar me familjen e tij në Spanjë.

Pritet që Los Blancos të rrisin ndjekjen gjatë javëve të ardhshme, me Goal.com që ka zbuluar se gjigantët e La Ligas thjesht po presin Chelsean për të gjetur një zëvendësim të përshtatshëm.

Lexo po ashtu Real Madridi ofron rreth 115 milionë euro për dyshen e Chelseat, Courtois dhe Willian

Sapo të përfundojë kërkimi, Jones, i cili e la punën e tij me Belgjikën për t’u bashkuar me stafin stërvitor të Darren Moore në West Brom – beson se Courtois do të largohet nga Stamford Bridge.

“Mendoj se definitivisht Thibaut do të largohet”, ka thënë fillimisht Jones për talkSPORT.

“Ai është në vitin e fundit të kontratës së tij tani, dhe unë të jem i sinqertë mund ta shoh atë duke u larguar”.

Lexo po ashtu Reali ka edhe pak ditë në dispozicion për Courtois

“Natyrisht që ai fitoi Dorëzën e Artë në Kupën e Botës dhe pati një turne fantastik”.

“Unë mendoj se ai do të lëviz nga Chelsea”, përfundoi ish-ndihmësi i Belgjikës. /Telegrafi/