Ish-futbollisti kolumbian, Jhon Viafara arrestohet për trafikim të drogës

Jhon Viafara dyshohet se ka qenë i përfshirë në një rrjet kriminal të drogës. Ish-reprezentuesi i Kolumbisë është arrestuar ditën e djeshme si i dyshuar për trafik droge.

40-vjeçarit, i cili në të kaluarën ka qenë pjesë e Southamptonit dhe Portsmouthit në Angli si dhe Real Sociedadit në Spanjë, iu vunë prangat në qytetin kolumbian të Kalit, pas një operacioni të DEA-s amerikane me policinë lokale.

Lamentable la situación de Jhon Viáfara que después de estar en selección Colombia y varios clubes importantes en el país hoy es solicitado en extradición por narcotráfico pic.twitter.com/pfEkJNNpZL

— Luchovoltio (@luchovoltios) March 20, 2019

Viafara dyshohet se është pjesë e një grupi kriminal që ka transportuar katër tonelata kokainë në SHBA – transmeton KP.

Mediat lokale në Kolumbi raportojnë se ai dyshohet të jetë anëtar i një karteli të drogës që transporton substanca narkotike në Shtetet e Bashkuara të Amerikës duke shfrytëzuar anije të ndryshme.

Theksojmë se Viafara ka luajtur edhe 34 ndeshje me kombëtaren e Kolumbisë, në mes të viteve 2003-2010, ndërsa u tërhoq nga futbolli në vitin 2015.

Momento en que el ex furbolista, Jhon Viáfara, es capturado por las autoridades en Jamundí, Valle del Cauca, por tener presuntos nexos con el Clan del Golfo y traficar estupefacientes a través de mulas y lanchas rápidas hacia el centro y el sur del Continente. pic.twitter.com/sozugID9pS

— Óscar Corredor (@kurkis81) March 20, 2019