IPKO sqaron për publikun ndërprerjen teknike të shërbimit DTV

IPKO njofton se mbrëmjen e datës 08.02.24, rreth orës 22:00, IPKO ka pësuar një mosfunksionim teknik që ka sjellë ndërprerjen e plotë të shërbimit tonë të Televizionit Dixhital në mbarë Kosovën. Ky incident ndikoi në aksesin e klientëve tanë në shërbimet televizive dhe ne jemi të përkushtuar të kuptojmë shkakun.

Ndërprerja e shërbimit u lokalizua tek një defekt në një nga pajisjet tona kryesore të transmetimit.

Në rrethana normale, shërbimi ynë i televizorit mbrohet nga një konfigurim që duhet të kalojë automatikisht në pajisjet rezervë në rast të dështimeve të tilla. Megjithatë, për arsye ende të panjohura, ky kalim automatik nuk ndodhi, duke kërkuar ndërhyrje manuale nga inxhinierët e IPKO-së. Ne rikthyem shërbimin pas vetëm 9 minutash.

Janë marrë hapa të menjëhershëm për të adresuar këtë çështje, duke përfshirë përshkallëzimin e çështjes tek prodhuesi i pajisjeve. Ne jemi në pritje të analizave të ekspertëve për të identifikuar shkakun rrënjësor të dështimit dhe për të zbatuar masat që do të parandalojnë dukuritë e tilla në të ardhmen.

IPKO është e përkushtuar për të ofruar shërbime të pandërprera dhe cilësore dhe po ndërmerr të gjitha hapat e nevojshëm për të garantuar besueshmërinë e shërbimeve tona.

I kërkojmë sinqerisht falje të gjithë klientëve tanë për shqetësimin që mund të ketë shkaktuar kjo ndërprerje. Ne e vlerësojmë durimin dhe mirëkuptimin tuaj ndërsa punojmë për të ruajtur dhe përmirësuar standardet tona të shërbimit.

Nëse keni ndonjë shqetësim ose keni nevojë për ndihmë të mëtejshme, ju lutemi kontaktoni ekipin tonë të shërbimit të klientit në 038 700 700 ose vizitoni faqen tonë të internetit në www.ipko.com për t’u përfshirë në bisedë të drejtpërdrejtë me një nga anëtarët tanë të përkushtuar të ekipit të Mbështetjes së Klientit.

Angazhimi ynë për të ofruar shërbime të jashtëzakonshme transmetimi dhe për të fituar besimin tuaj mbetet i palëkundur.

Faleminderit për mbështetjen tuaj ndërsa ne vazhdojmë të përpiqemi për përsosmëri në gjithçka që bëjmë, thuhet në sqarimin e IPKO-s.