Inva Mula paralajmëron koncert humanitar në Durrës

Sopranoja shqiptare me famë botërore, Inva Mula, ka paralajmëruar një koncert humanitar në Shqipëri, më saktësisht në qytetin e Durrësit.

Përmes një postimi të publikuar në rrjetin social, Instagram, ajo ka njoftuar se koncerti do të mbahet më 7 dhjetor në teatrin e qytetit të Durrësit dhe ka për qëllim grumbullimin e parave për t’u dalë në ndihmë të prekurve nga tërmetet e fundit në Shqipëri.

E njëjta po ashtu u ka bërë thirrje edhe artistëve të tjerë që të solidarizohen sa më shumë me popullin shqiptar.

https://www.instagram.com/p/B5XoxMiAF7r/

“Të gjithë artistët në koncertin Maratonë. Edhe unë. 7 dhjetor në Teatrin e Durrësit”, ka shkruar në njoftimin e saj Mula.

Lexo po ashtu Vjen edhe reagimi i Unikkatil, në përkrahje financiare për Shqipërinë

Në anën tjetër, një pjesë e artistëve si Mozzik, Capital T, Noizy, Bes Kallaku e Xhensila Myrtezaj janë angazhuar mjaft shumë duke iu ofruar ndihma të mbijetuarve nga tërmeti në Thumanë dhe Durrës.

https://www.instagram.com/p/B5XSIfggyBH/

Ndryshe, 39 ka shkuar bilanci i viktimave të tërmetit katastrofik, që tronditi Shqipërinë mëngjesin e 26 nëntorit, me magnitudë 6.4 të shkallës Rihter, i ndjekur nga një sërë lëkundjesh të tjera të forta. /Telegrafi/