Interi takohet me agjentët e sulmuesit Sebastien Haller

Drejtuesit e Interit janë takuar me agjentët e sulmuesit Sebastien Haller, por Ajaxi kërkon 35 milionë euro për të shitur 27-vjeçarin.

Shënues i 32 golave ​​në 34 ndeshje në të gjitha garat këtë sezon, Haller është një nga sulmuesit më produktiv në Evropë në sezonin 2021/2022.

Kontrata e 27-vjeçarit skadon në qershor të vitit 2025 dhe sipas La Gazzetta dello Sport, agjentët e tij u takuan me Interin në fillim të kësaj jave për të diskutuar një lëvizje të mundshme në Giuseppe Meazza në fund të sezonit.

Inter, tra Lukaku e Scamacca ecco l’incontro per #Haller. L’Ajax chiede 35 milioni https://t.co/f7l8ExYMYl

— La Gazzetta dello Sport (@Gazzetta_it) March 15, 2022

Përfaqësuesi i sulmuesit ka informuar Interin për çmimin e kërkuar nga Ajaxi për klientin e tyre, i cili është rreth 35 milionë euro.

Nerazzurrët nuk mund të ofrojnë aq shumë, por një lëvizje në Itali e tundon Hallerin, kështu që të dy palët do të mbeten në kontakt gjatë muajve të ardhshëm.

Haller nuk është i vetmi sulmues i monitoruar nga Nerazzurrët, të cilët tashmë kanë hapur bisedimet me Sassuolos për italianin Gianluca Scamacca.

Lexo po ashtu E ardhmja e Lautaros te Interi në dyshim, Marotta synon përforcime në sulm dhe ka tre emra në listë

Romelu Lukaku shihet gjithashtu si një objektiv i mundshëm për kampionët e Serie A pasi sulmuesi belg do të dëshironte të rikthehej në Meazza.

Megjithatë, gjendja financiare e Interit e bën të vështirë të imagjinohet një rikthim i mundshëm i sulmuesit belg dhe alternativat tjera do të jenë më reale. /Telegrafi/