Interi i kundërpërgjigjet Barçës për Lautaron, i kërkon shërbimet e Griezmannit

Barcelona vazhdon të mendojë për transferimin e sulmuesit argjentinas Lautaro Martinez.

Kampioni në fuqi i Spanjës e ka argjentinasin objektiv kryesor për ta transferuar në verë.

Lautaro ka shkëlqyer këtë edicion me fanellën e Interit, por që ende nuk e ka rinovuar kontratën me klubin zikaltër.

Ylli argjentinas ka një klauzolë largimi prej 111 milionë euro dhe Barca është gati ta paguajë atë.

Por sipas asaj që ka raportuar Tuttosport, Interi i ka kthyer tanimë Barcelonës përgjigje për lojtarin e tyre.

Gjiganti italian i ka kërkuar Barcelonës që ta ofrojnë francezin Antoine Griezmann në mënyrë që ta marrin Martinezin në Camp Nou. /Telegrafi/