Interi dëshiron ta shmang interesimin e klubeve të mëdha, ka gati kontratën e re për Brozovicin

Interi thuhet se është përgatitur të shmang çdo kërkues të mundshëm të kroatit, Marcelo Brozovic, duke i ofruar atij një marrëveshje të re me vlerë 4,5 milionë në vit.

Sipas gazetës italiane Tuttosport, Interi po përpiqet të nënshkruajë një marrëveshje të re me mesfushorin kroat dhe të shmangë humbjen e lojtarit për shkak të një klauzole lëshimi prej 60 milionë eurosh në kontratën e tij aktuale.

27-vjeçari ka bërë përshtypje në Giuseppe Meazza që nga ardhja e tij nga Dinamo Zagreb në janar të vitit 2015 dhe ka tërhequr interesim nga klubet më të mëdha të kontinentit.

Lexo po ashtu Agjenti i Brozovicit konfirmon interesimin e klubeve të mëdha për lojtarin

Në tetor të 2018, Brozovic nënshkroi një kontratë në vlerë prej 3.5 milionë euro vit deri në qershor të 2022, por marrëveshja përfshinte një klauzolë lëshimi që drejtori Beppe Marotta shpreson ta largojë me rinovimin e kontratës.

Gazeta shkruan se Interi është i gatshëm t’i ofrojë Brozovicit një marrëveshje të re me vlerë 4,5 milionë euro, duke e lidhur atë deri në qershor të vitit 2023.

Barcelona, Real Madridi, Liverpooli dhe Paris Saint-Germain janë klubet që kanë shprehur interesim për transferimin e yllit kroat. /Telegrafi/