Mauro Icardi nuk është i interesuar të pranojë ofertat për largim nga Interi dhe pritet të mbetet në klub edhe pas verës.
Napoli ka bërë një ofertë për Icardin në drejtim të Interit, e cila thuhet se është pranuar nga Nerazzurrët.
Megjithatë, sulmuesi argjentinas nuk duket të jetë i interesuar të pranojë kalimin në San Paolo.
Sipas Corriere dello Sport, Icardi nuk dëshiron të largohet nga Interi për rivalët e Serie A, pavarësisht se të dy palët kanë rënë dakord për një marrëveshje transferimi për sulmuesin.
Argjentinasi, i cili bleu një shtëpi të re në Milano këtë javë, dëshiron të mbetet në San Siro pasi mbyllja e afatit kalimtar evropian po afrohet.
Interi, të cilët kanë treguar se nuk dëshirojnë më të mbajnë sulmuesin, pritet të vazhdojnë përpjekjet e tyre për ta larguar atë para se të mbyllet afati kalimtar. /Telegrafi/
