Hillary Clinton: Kolegji elektoral nuk duhet ta zgjedh presidentin, por vota e popullit

Ish-kandidatja demokrate për president, Hillary Clinton – midis anëtarëve të New Yorkut të Kolegjit Zgjedhor – dha votën e parë elektorale të shtetit për Joe Bidenin.

Ish-senatorja amerikane u bashkua me ish-presidentin, Bill Clinton dhe guvernatorin e New Yorkut Andrew Cuomo, të cilët janë të dy në mesin e 29 zgjedhësve të shtetit për të hedhur votat e tyre në 14 dhjetor, ndërsa organi i votimit në të gjithë SHBA-në zgjedh zyrtarisht kandidatin presidencial fitues.

Guvernatori është gjithashtu president i kolegjit elektoral të shtetit. 29 votat elektorale të shtetit iu dhanë Bidenit.

I believe we should abolish the Electoral College and select our president by the winner of the popular vote, same as every other office.

But while it still exists, I was proud to cast my vote in New York for Joe Biden and Kamala Harris. pic.twitter.com/th9qebu9ka

— Hillary Clinton (@HillaryClinton) December 14, 2020

Pas votimit të saj, Clinton pohoi për shpërndarjen e Kolegjit Zgjedhor gjersa presidenti të zgjidhet nga vota popullore.

“Unë besoj se ne duhet të shfuqizojmë Kolegjin Zgjedhor dhe të zgjedhim presidentin tonë nga fituesi i votës popullore, njësoj si çdo zyrë tjetër”, shkroi ajo në mediat sociale.

Kujtojmë se Clinton kishte humbur në zgjedhjet presidenciale amerikane të vitit 2016, pavarësisht se kishte më shumë vota, por nuk i kishte votat e mjaftueshme elektorale.

Lexo po ashtu Po vazhdon votimi në kolegjin elektoral, Biden prin kundrejt Trumpit

Pas zgjedhjeve të përgjithshme në nëntor, zgjedhësit mblidhen në shtetet e tyre përkatëse për të hedhur votat e tyre, të cilat më pas numërohen nga presidenti i Senatit në një seancë të përbashkët të Kongresit.

Një kandidat fitues duhet të marrë të paktën 270 vota elektorale për të fituar presidencën, ku përballë gjenden, demokrati Joe Biden dhe republikani, Donald Trump. /Telegrafi/