Henderson: Është herët të themi se Liverpooli është favorit për ta fituar Ligën e Kampionëve

Jordan Henderson ka thënë se është ende herët të cilësohet Liverpooli favorit për ta fituar Ligën e Kampionëve edhe në këtë sezon.

The Reds do ta fillojnë sot (e martë) mbrojtjen e titullin në Ligën e Kampionëve, duke u përballur me Napolin në kuadër të Grupit E.

Në mediat ndërkombëtare raportohet se Liverpooli është favorit për ta fituar titullin e Ligës së Kampionëve, mirëpo kështu nuk mendon edhe kapiteni i skuadrës angleze.

“Mendoj se është shumë herët të themi se Liverpooli është favorit për ta fituar përsëri Ligën e Kampionëve”, ka thënë Henderson.

“Për ne, e kemi filluar sezonin në rrugë të mirë dhe duam që të shkojmë në këtë rrugë. Ne ende mendojmë se mund të zhvillohemi si skuadër”.

Lexo po ashtu Formacioni me lojtarët më të mirë që ka pasur dhe që i ka nën urdhra Jurgen Kloppi

“Kjo është çfarë do të tentojmë të bëjmë ndaj Napolit, ne do të tentojmë të japim gjithçka që ky edicion të shkojë mirë”, ka shtuar më tej Henderson.

Liverpooli e fitoi titullin e gjashtë të Ligës së Kampionëve në sezonin e kaluar, pasi e mposhti Tottenhamin në finalen që u zhvillua në Madrid. /Telegrafi/