Haradinaj përgëzon hendbollistet istogase për arritjen historike në Challenge Cup

Klubi hendbollistik i kategorisë së femrave, Istogu muajin e kaluar ka siguruar një biletë për 1/8 e finales së Challenge Cup të Evropës.

Hendbollistet istogase ka pasur nderin sot t’i pres në zyret e veta edhe kryeministri i Kosovës, Ramush Haradinaj.

Ky i fundit ka përgëzuar sportistet për arritjet e tyre në garat evropiane duke u renditur në mesin e 16 skuadrave më të mira evropiane.

“Sportistët përditë po na japin mesazhin fantastik se me këmbëngulje mund të kalohen edhe sfidat më të mëdha. Gjatë takimit me anëtaret e klubit hendbollistik të femrave “Istogu”, i përgëzova për arritjen në të tetën e finales së Challenge Cup, duke u renditur në mesin e 16 ekipeve më të mira të Evropës.

Ai ka shprehur keqardhjen se është e dhimbshme se ende janë pa adresë të veten, pa Palestër në qytetin e tyre. Qeveria do t’i mbështesë ato në rrugëtimin drejt majave të hendbollit botëror.

Lexo po ashtu Të gjitha lajmet rreth hendbollit

“Ndonëse ekipi më i mirë në Kosovë, e dhimbshme se ende janë pa adresë të veten, pa Palestër në qytetin e tyre. Qeveria do t’i mbështesë ato në rrugëtimin drejt majave të hendbollit botëror.

Ndryshe, Istogu kishte mposhtur në dy ndeshje skuadrën italiane, Cassano Magnago, me rezultat 26:24 (ndeshja e parë) dhe 23:21 (ndeshja e dytë). /Telegrafi/