Haradinaj flet për Milan Radojiçiqin dhe mbrojtjen që i bëri atij Aleksandar Vuçiq

Kryeministri i Kosovës, Ramush Haradinaj ka folur për rastin e arrestimit në veri të Mitrovicës të dyshuarve të cilët besohet se kishin dorë në vrasjen e Oliver Ivanoviq, si dhe për të dysharin tjetër Milan Radojiçiq, i cili ndodhet në arrati.

Haradinaj ka thënë se nuk kanë ndonjë evidencë se cili apo kush janë ata të cilët kanë dorë në rastin e vrasjes së Ivanoviqit ndërsa thekson se ata që janë arrestuar pretendohet se kanë lidhje me këtë rast por nuk janë dorasit.

”Nga ajo që di unë, asnjëri nga këta që janë të arrestuar nuk akuzohen si ata që kanë ngre gisht qoftë edhe Milan Radojçiq, por mendohet se kanë pasur lidhje me rastin e vrasjes së Oliver Ivanoviq për fshehje të provave”., tha Haradinaj në Zona B të Klan Kosovës

”Akuzohen për ndihmë të ngjarjes së caktuar, por tek ne nuk ka evidencë se kush është ai ose ata që kanë ngreh gishtin, por nëse Aleksandar Vuçiq ka të dhëna të tilla ai do mund t’i shfajësonte këta të fundit duke i dorëzuar ato të dhëna nuk është e tepërt ta bëjë”.

”Ata kanë pasur një paranojë shumica e tyre në veri, kanë qenë të kujdesshëm rreth proceseve që janë zhvilluar, kanë qenë kamerat e sigurisë”.

”Nëse Serbia ka akces dhe ka mund të marr informacion për Milan Radojiçiq, kjo nuk do të thotë se Kosova ka bërë gabim. Ikja nga drejtësia është problem. Ai është në ndjekje në Kosovë e një person që nuk i dorëzohet drejtësisë ajo vetëm sa vështirësohet”.

”Formula e ikjes dhe e kundërakuzës është problem. Nuk ju kam besuar asnjëherë thashetheemeve dhe derisa një person të cilin nuk e shpall gjykata të fajshëm atëherë s’mund ta quaj fajtor”.

”Kemi mekanizma të sigurisë shumë të avancuar sikurse Inteligjencën është e pamundur të nxjerret veriu prej kontrollit është gabim jologjik”, tha Haradinaj.