Hakerat mund të marrin fjalëkalimin tuaj duke dëgjuar se si i shtypni shkronjat

Fjalëkalimi juaj mund të vjedhet në mënyra të ndryshme. Mënyra më e zakonshme është kur përdorni një fjalëkalim shumë të lehtë për të qëlluar, për të cilin hakerët nuk do të duhet të provojnë shumë për të thyer llogarinë tuaj.

Mënyra të tjera më komplekse përfshijnë ‘phishing’, ku hakerat krijojnë një faqe interneti që imiton faqen e internetit të një shërbimi që përdorni dhe sapo të jepni kredencialet tuaja, informata është vjedhur.

Megjithatë, duket se hakerët mund të kenë gjetur një mënyrë tjetër për të vjedhur fjalëkalimet prej përdoruesve dhe kjo është duke dëgjuar se si i shkruani ato.

Në një studim të kohëve të fundit të botuar nga Universiteti i Kembrixhit, Anglisë dhe Universitetit Linköping në Suedi, duket se ata kanë gjetur fjalëkalimet bazuar në mënyrën se si shkruani.

Nuk është sistemi më i përsosur sepse në bazë të hulumtimit, algoritmi i tyre arriti të mendojë 31 nga 50 hyrje 4-shifrore në 10 përpjekje.

Mund të imagjinohet se fjalëkalimet më të gjata mund të paraqesin një sfidë më të madhe për shkak të numrit të kombinimeve të mundshme, por fakti që ende mund të supozohet, është pak shqetësues.

Metoda përfshiu përdoruesit që shtypën në telefona ose tabletët e tyre ku valët e zërit e krijuara nga gishtat që goditnin tastierën, pastaj udhëtuan drejt mikrofonit të telefonit dhe kështu lejoi algoritmin të kuptoj një fjalëkalim të mundshëm.

Natyrisht, kjo varet nga hakerat që infektojnë pajisjen tuaj me virus dhe fitojnë qasje në mikrofonin e pajisjes suaj, por fakti që një mundësi e tillë ekziston është pak e frikshme. /Telegrafi/