Guri më i madh në veshka në botë i është hequr një pacienti në Sri Lanka

Guri më i madh në veshka në botë i është hequr një pacienti në Sri Lanka.

Me gjatësi 13,372 centimetra dhe peshë 801 gram, guri në veshka theu dy rekorde botërore kur u hoq nga mjekët e Ushtrisë Sri Lanka më 1 qershor, shkruajnë mediat e huaja, përcjell Telegrafi.

Më parë, rekordet ishin 13 centimetra për gjatësi, të vendosura në Indi në vitin 2004 dhe 620 gramë për peshë, të vendosura në Pakistan në vitin 2008, sipas Rekordeve Botërore Guinness.

Rekordet Botërore Guinness kanë konfirmuar se të dy rekordet janë thyer nga guri i Sri Lankës, i hequr në Spitalin Ushtarak të Colombo.

Gurët në veshka përbëhen nga copa të forta materiali që kristalizohen në veshka, ureter ose fshikëz për shkak të faktorëve gjenetikë dhe mjedisorë.

Army Doctors Enter @GWR Removing the World’s Largest Kidney Stone at #Army Hospital #Colombo.
More details :- https://t.co/kPRhiXcAbg@bbcsinhala @bbctamil @Dailymirror_SL @WHO @newsdotlk @NewsWireLK @DailyNews_lk @ThinakaranLK @BBCWorld @thamilannews @MoH_SriLanka pic.twitter.com/RIqJia0PUx

— Sri Lanka Army (@Sri_Lanka_Army) June 13, 2023

Ato janë relativisht të zakonshme, duke prekur rreth 10% të njerëzve në një moment të jetës së tyre dhe disa studime sugjerojnë se ato mund të bëhen edhe më të zakonshme.

Shumica e llojeve mund të parandalohen duke qëndruar të hidratuar dhe duke reduktuar marrjen e natriumit.

Sipas supozimeve mjekësore, pirja e 2 deri në 3 litra ujë në ditë mund të ndihmojë në heqjen e gurëve të vegjël – më pak se 3 milimetra në diametër – duke “shpëlarë” sistemin urinar.

Sidoqoftë, procesi është jashtëzakonisht i dhimbshëm.

Ndërsa gurët mbi 3 milimetra në diametër shpesh kërkojnë trajtim më të gjerë, siç është operacioni për heqjen e tyre.

Një studim i vitit 2018 sugjeroi se prevalenca e gurëve në veshka po rritet si tek burrat ashtu edhe tek gratë në Shtetet e Bashkuara. /Telegrafi/