Gruaja nga Bosnja që ishte floktarja e familjes së ish-udhëheqësit të Libisë, rrëfen si ishte frikësuar se ‘mos i priste veshin Gaddafit’

Pasi mbaroi shkollën e parukerisë në Bijeljina, Dijana Stevanović vendosi të shkonte në Libi, ku nëna e saj punonte si punëtore mjekësore.

Sipas mediave boshnjake, përcjell Telegrafi, pas një viti, ajo vendosi të qëndrojë gjithashtu atje.

Ajo filloi të punojë në profesionin e saj, dhe pas një viti ajo u bë floktarja zyrtare e familjes së Muammar Gaddafit.

Pas kësaj, asaj së shpejti iu dhanë kompetenca dhe privilegje të shumta.

Kështu, Dijana për mediat në Bosnjë dhe Hercegovinë ka treguar çfarë përvojash kishte ajo ndërsa punonte për një nga njerëzit më të fuqishëm në botë dhe si në fund ajo mezi “e nxori kokën” nga Libia e shkatërruar nga lufta dhe si humbi 90 kilogramë.

Ndër të tjera, ajo rrëfen se si mezi i preu flokët atij për herë të parë.

“Ai më tha, ‘Ti do të më presësh flokët siç të them unë’. Pas kësaj, unë fola me të në gjuhën arabe të rrjedhshme, gjë që e befasoi atë. E pyeta nëse mund të ulesha për t’u qetësuar, dhe isha akoma duke u dridhur nga trema. E gjithë kjo ishte e pazakontë dhe ai pranoi se deri në atë moment askush nuk i kishte kërkuar që të ulej pranë tij, për të cilën unë iu përgjigja se ishte më mirë të ulesh dhe të qetësohesh sesa t’ia presësh veshin dhe të përfundon në burg, për të cilin ai qeshi me të madhe, dhe këtu filloi bashkëpunimi ynë”, ka thënë ndër tjerash Dijana. /Telegrafi/