Ajo që dukej të ishte një grindje midis presidentit amerikan Donald Trump dhe gruas së tij Melania, ishte në të vërtetë një diskutim rreth prishjes së shkallëve lëvizëse kur ata mbërritën në selinë e OKB-së, sipas lexuesve të buzëve.
Klipi i shpërndarë gjerësisht tregon presidentin duke i drejtuar gishtin zonjës së parë, e cila përgjigjet duke tundur kokën gjatë shkëmbimit të filmuar përmes dritareve të Marine One.
Ndërsa shumë njerëz në internet kanë spekuluar se kjo zbulon një mosmarrëveshje midis dyshes - e ngjashme me atë të presidentit Francez Emmanuel Macron dhe gruas së tij - ekspertët besojnë se biseda ishte rreth incidentit viral të shkallëve lëvizëse në selinë e OKB-së në Manhattan një ditë më parë.
“Nga interpretimi im, nuk mendoj se Donald Trump e kishte me Melania Trump - por me OKB”, tha lexuesi i buzëve mjeko-ligjore Jeremy Freeman, shkruajnë mediat e huaja.
Trump bëri thirrje për arrestime pasi shkallët lëvizëse në selinë e Kombeve të Bashkuara ndaluan papritur punën sapo ai dhe zonja e parë shkelën mbi to të martën përpara fjalimit të tij në Asamblenë e Përgjithshme.
"Është e mahnitshme që unë dhe Melania nuk ramë me fytyrën përpara", tha Trump në lidhje me incidentin.
Trump deklaroi se momenti ishte "absolutisht sabotim", duke cituar një raport të Times of London se stafi i OKB-së ishte dëgjuar duke bërë shaka se mund ta fiknin shkallët lëvizëse dhe ta detyronin Trump të ecte në sallë për të mbajtur fjalimin e tij.
Një lexuese e dytë britanike e buzëve, Nicola Hickling, beson në mënyrë të ngjashme se Trump po e mbronte Melanian në momentin e kapur në helikopter.
“Nuk mund t’i fal, u përpoqën të të lëndonin”, i tha Trump gruas së tij në një moment në helikopter, tha Hickling. /Telegrafi/
