Grabitja në Rinas, flasin vëllai dhe djali i “dajës” nga Kosova: Kur i shkohet në dasmë njeriut, i shkohet edhe në dekë

Pak ditë më parë policia arrestoi kosovarin Ragip Hajdini, pasi dyshohet se është i përfshirë në grabitjen e parave në aeroportin e Rinasit. Lidhur me arrestimin kanë reaguar dhe familjarët e Hajdinit, të cilët shprehen se “daja” nga Kosova është i pafajshëm.

Djali i të arrestuarit, Dardan Hajdini, thotë se babai i tij është i pafajshëm dhe se nuk ka lidhje me këtë ngjarje kriminale, pasi familja e tij ka të ardhura të mjaftueshme.

“Kemi të ardhura, nuk kemi nevojë të grabisim”, u shpreh ai.

Lexo po ashtu Grabitja në Rinas, kush ishte “Daja" nga Kosova me Admir Muratajn në grabitjen e miliona eurove

Ndërsa, vëllai i “dajës”, Mustafa Hajdini, rrëfeu se çfarë ka ndodhur në Kosovë me hetimet ndaj vëllait të tij për dy grabitje të ndodhura atje, njëra në Istog ku mbeti i vrarë edhe një polic, dhe tjetra, vjedhja e 24 kg ar në Dhomën e Provave në Komisariatin e Pejës.

Sipas pas Mustafa Hajdinit, vëllai i tij ka dalë i pafajshëm, dhe kjo vërtetohet nga vendimi i Gjykatës së Pejës.

Mustafai tha se, pavarësisht, akuzave vëllai i tij ishte i pafajshëm dhe se hetimet nuk gjetën asnjë provë që mund të lidhte Ragip Hajdinin me ngjarjet në Kosovë.

“Gjykata e Pejës ka marrë pafajësi, ka qenë i arrestuar, por nuk kishte dëshmi, vetëm policia i merr ato gjëra, se nuk mundet një njëri të marrë arin në polici”, tha Hajdini.

Arrestimi i Ragip Hajdinit, sipas tij, është bërë vetëm për shkak të lidhjeve miqësore dhe familjare me Admir Muratajn, grabitësin që mbeti i vrarë gjatë shkëmbimit të zjarrit me policinë pas grabitjes së 9 prillit në Rinas.

“Ragipi është viktimë, vetëm se ka marrë pjesë na varrim, kam qenë edhe unë me djemtë e mi, kur i shkohet në dasmë i shkohet edhe në mort. Vetëm për shkak të miqësisë me familjen Murataj”, tha Mustafa Hajdini.

Po ashtu, Mustafa Hajdini u shpreh se policia nuk ka ushtruar ende kontrolle në banesën e tij.

“Asnjë nuk më ka njoftuar. Ragipi jeton në shtëpi të tij, unë në shtëpi time. Jetojmë në një pallat por ai ka shtëpinë e tij ai të veten. Kur unë jam i pastër nuk mundet me më kontrolluar në shtëpinë time, nuk ka ardhur për kontroll policia”, përfundoi Mustafa Hajdini, i cili ka marrë avokt për të vëllain. Mirash Dacin.

Alkond Bengasi, i arrestuar për modifikimin e furgonit me mbishkrimin “Hetimi Tatimor”, i cili rrëfeu se Ragip Hajdini ishte i përfshirë në grabitjen e aeroportit të Rinasit./ Opinion.al/Telegrafi/