Një video që po bëhet virale në rrjetet sociale ka pushtuar internetin, duke tërhequr vëmendjen e fansave të animeve në mbarë botën.
Klipi tregon një punonjës të pompës së benzinës duke vizatuar personazhin e Dragon Ball, Goku, në një dritare të pluhurosur të veturës.
Ky talent i la shikuesit të mahnitur.
Punonjësi përdori vetëm majat e gishtave për të krijuar imazhin e detajuar të Gokut.
Në vend që të pastronte pluhurin, ai e shndërroi xhamin në artin e tij, duke demonstruar se kreativiteti mund të vijë nga çdo vend.
Shumë njerëz e quajtën atë një vepër arti mahnitëse dhe vlerësuan aftësitë e punonjësit. /Telegrafi/
