Gjithçka rreth sezonit të ri garues të League of Legends

Me ardhjen e vitit të ri, LoL Esports sapo ka njoftuar se çfarë do të vijë për sezonin 2023.

Dy nga lajmet më të mëdha janë lokacioni i turneut Mid-Season Invitational dhe World Championship.

Duke filluar nga MSI, është konfirmuar se do të zhvillohet në Londër të Anglisë në mes të vitit. Tani do të ketë 13 skuadra që do të konkurrojnë në MSI në vend të 11 së bashku me dy fazat e eliminimit të dyfishtë në fazën Play-In dhe Bracket.

Ligat si LPL, LEC dhe LCS tani do të kenë nga dy slota secila në MSI.
Faza e Play-In do të përfshijë tetë ekipe: ekipi i dytë nga LPL, LEC dhe LCS si dhe nga një ekip nga VCS, PCS, LJL, LLA dhe CBLOL.

Ndërsa Worlds 2023 do të kthehet serish në Korenë e Jugut pas pesë vitesh.

Turneu i cili do të organizohet tek shtëpia e kampionëve në fuqi, pritet të jetë edhe më i madh se vitin e kaluar, ndërsa datat dhe vendet e sakta të turneut do të dalin muajt e ardhshëm.

#Worlds2023 is coming to South Korea! 🇰🇷

Read more about the new 2023 Worlds format here: https://t.co/iAjqZKDm1T pic.twitter.com/eSkMpH0hh8

— LoL Esports (@lolesports) January 10, 2023

Gjithsej 22 skuadra do të garojnë në kampionatit botëror në tre faza: Play-Ins, Swiss dhe Konckouts.

Worlds 2023 do të prezantojë gjithashtu seritë kualifikuese. /Telegrafi/