LAJMI I FUNDIT:

Gjermania nuk do të pranojë më imamë nga Turqia, do të trajnojë klerikët brenda vendit

Gjermania nuk do të pranojë më imamë nga Turqia, do të trajnojë klerikët brenda vendit

Gjermania do të ndalojë pranimin e imamëve të dërguar nga Turqia dhe në vend të kësaj do të trajnojë klerikët myslimanë që jetojnë aty në një përpjekje për të inkurajuar integrimin, tha të enjten ministria e brendshme.

Sipas mediave të huaja, përcjell Telegrafi, ky hap vjen pas arritjes së një marrëveshjeje me grupin ombrellë turko-islamik DITIB për të hequr gradualisht imamët e huaj dhe për të trajnuar 100 imamë në vit në Gjermani për t’i zëvendësuar ata, tha ministria në një deklaratë.

DITIB është shoqata më e madhe islame në Gjermani dhe menaxhon 900 xhami.


Kritikët kanë akuzuar shoqatën, një degë e Presidencës së Çështjeve Fetare në Ankara, se vepron si një krah i zgjatur i qeverisë turke në Gjermani.

Ministrja e Brendshme, Nancy Faeser tha se marrëveshja ishte “një moment historik i rëndësishëm për integrimin dhe pjesëmarrjen e komuniteteve myslimane në Gjermani”.

“Ne kemi nevojë për udhëheqës fetarë që flasin gjuhën tonë, njohin vendin tonë dhe mbështesin vlerat tona”, tha Faeser.

“Ne duam që imamët të përfshihen në dialogun ndërmjet feve dhe të diskutojnë çështjet e besimit në shoqërinë tonë”.

Ka rreth 5.5 milionë myslimanë që jetojnë në Gjermani, sipas Konferencës Gjermane të Islamit (DIK) — rreth 6.6 për qind e popullsisë.

Dhe deri vonë, shumica dërrmuese e imamëve në Gjermani ishin trajnuar jashtë vendit, kryesisht në Turqi.

Ish-kancelarja Angela Merkel foli fillimisht në favor të trajnimit të imamëve në tokën gjermane në vitin 2018, duke i thënë parlamentit se “do të na bëjë më të pavarur dhe është e nevojshme për të ardhmen”. /Telegrafi/

Në trend Botë

Më shumë
Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Turqia
Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Botë
Duhet bërë diçka të ngjashme si në Kosovë, thotë presidenti finlandez për Ukrainën

Duhet bërë diçka të ngjashme si në Kosovë, thotë presidenti finlandez për Ukrainën

Evropa
Agjenti ukrainas udhëtoi në Moskë për të vendosur eksploziv nën radarin anti-dronë

Agjenti ukrainas udhëtoi në Moskë për të vendosur eksploziv nën radarin anti-dronë

Evropa
Tanku rus sulmohet nga artileria ukrainase, nga frika se do të hidhet në erë shkelë ushtarët e vetë

Tanku rus sulmohet nga artileria ukrainase, nga frika se do të hidhet në erë shkelë ushtarët e vetë

Evropa
Izraeli merr një ngarkesë amerikane me bomba 900 kilogramëshe, të cilat Biden refuzonte t’ia jepte

Izraeli merr një ngarkesë amerikane me bomba 900 kilogramëshe, të cilat Biden refuzonte t’ia jepte

Azia
Kalo në kategori