Gjërat që asnjëherë nuk duhet t’ia thoni vajzës tuaj

Kur është fjala për rritjen e vajzave, është e rëndësishme të jeni të vetëdijshëm për ndikimin që kanë  fjalët tuaja.

Ju mund të bëni një koment të mirëfilltë mirëpo që e dëmton psikikën e fëmijës  tuaj pa qëllim, transmeton Telegrafi.

Mos i thuaj: Je një gjeni

Është jetësore që ne të theksojmë rëndësinë e punës. Nëse e bëni një fëmijë të ndihet sikur inteligjenca e saj është e natyrshme, atëherë herën e  parë që gjërat bëhen të vështira, ajo mund të fillojë të dyshojë.

Në vend të thoni “je gjeni”, përpiquni të thoni “Ti i kupton gjërat shumë mirë! ose “Ti je një punëtore e palodhshme! Mirë për ty!”

Përgëzojeni për këmbënguljen dhe përkushtimin e saj dhe ajo do të dijë se ajo ka çfarë duhet për të kapërcyer çdo pengesë. Gratë e suksesshme e dinë se duhet shumë më tepër se vetëm inteligjenca e papërpunuar për t’u bërë e suksesshme. Duhet edhe këmbëngulja, dhe nëse e keni atë, mund të bëni gjithçka.

Mos thuaj komente negative për pamjen tënde në prani të saj

Edhe nëse nuk thoni gjëra negative për trupin e vajzës suaj, edhe urrejtja ndaj trupit tuaj mund ta prekë atë. Duke e trajtuar trupin tuaj me mirësi dhe duke thënë gjëra të tilla si: “Unë e dua dhe e vlerësoj trupin tim”, inkurajon vajzën tuaj që të praktikojë vetëdashjen.

“Nuk është e mjaftueshme t’i thuash vajzës tënde se është e bukur – është e rëndësishme të rezistosh së përdoruri gjuhën trupore negative për trupin tënd”, thotë Stanley. “Mos harroni se vajza juaj ju idolizon dhe ajo do të imitojë aspekte të sjelljes tuaj për pjesën tjetër të jetës së saj.

Mos i thuaj: Vajzat mund të bëjnë gjithçka!

Shpesh themi se vajzat mund të bëjnë gjithçka për të inkurajuar vajzat që të përfshihen në aktivitet që tradicionalisht njihen  “mashkullore” si sportet, shkencat apo matematika. Duke u thënë vajzave, ato mund të bëjnë gjithçka – pa mbështetje shoqërore që e mbështesin këtë ide me mundësitë aktuale – vajzat ndihen më keq nëse përpiqen më shumë dhe nuk kanë sukses. Në vend të kësaj thuhet “Nuk ka gjë të tillë si një punë ‘djaloshare’ ose një punë ‘vajzërore’.Kjo ka rëndësi të madhe pasi në qoftë se ajo nuk arrin rezultatin që shpreson, mesazhi i vetë fajësimit përforcohet.

Mos i thuaj: Djemtë do të jenë djem

Ne shpesh minimizojmë efektet e djemve të rinj që ngacmojnë apo dëmtojnë vajzat duke nënkuptuar se djemtë janë natyrisht të tillë, edhe me incidente në dukje të vogla, vajzat tona mësojnë të pranojnë dhunën mashkullore në vend që të jetë e kundërta.
“Në vend që të thuash se djemtë do të jenë djem, ndihmoni vajzën tuaj të kuptojë se dhuna ndaj vajzave dhe grave nuk është në rregull dhe nuk është një gjë që duhet pranuar.

Mos e komplimento vetëm pamjen fizike tek ajo

Kur është fjala për të lavdëruar vajzat tona nuk është e mirë të përqendroheni në dukjen e saj pasi që fjalët tuaja do të lënë atë me idenë se pamja është më e rëndësishme, dhe se vlera e saj si person është e lidhur me pamjen e saj fizike.

Në vend të kësaj, theksoni se zgjedhjet që ajo bën janë të duhura apo urojeni në arritjet e saj akademike dhe sportive, mirësinë e saj, forcën e saj, integritetin e saj dhe punën e saj të vështirë.

Mos i thuaj se të tjerët persona mund ta puthin apo përqafojnë

Është e rëndësishme të nderoni autonominë trupore nga një moshë e re. Kjo përfshin lejimin e fëmijëve që të vendosin nëse duan të puthin, përqafojnë ose prekin të afërmit dhe miqtë. Nëse implikimi është që pritet një puthje, ajo mund ta dërgojë pa dashje mesazhin tek vajza juaj se dashuria është diçka që i detyrohet dikujt ose duhet t’i jepet dikujt sepse ata kërkojnë.

Duke e lejuar të dijë se ajo është përgjegjëse për atë që ndodh me trupin e saj dhe duke i mësuar asaj që ajo nuk i detyrohet askujt asgjë, ajo mëson mësime që do të jenë të dobishme kur vjen koha për të lundruar në pëlqimin dhe marrëdhëniet fizike me të tjerët.

Thoni që të bëhet versioni më i mirë i vetes

Fëmijët tuaj me siguri dëgjojnë atë që thoni, por ata gjithashtu i shikojnë veprimet tuaja. Ju jeni modeli më i madh i tyre, kështu që të jeni personi që dëshironi që ata të jenë: të mirë, të dashur, bujarë, të vështirë, të vërtetë ndaj vetes. Dhe ju e dini çfarë, ata do të dalin shumë mirë. /Telegrafi/