Gjeorgjia eliminon Bjellorusinë, mund të jetë kundërshtar i Kosovës në finalen e play-offit të Ligës së Kombeve

Gjeorgjia e ka mposhtur Bjellorusinë në kuadër të gjysmëfinales së play-offit të Ligës së Kombeve.

Gjeorgjianët kanë fituar takimin e tyre të rëndësishme me rezultat minimal 1-0, për të kaluar në finale të garës më të re të UEFA-s.

Pas vetëm shtatë minutash lojë, vendasit kaluan në epërsi me anë të Tornike Okriashvili, që shënoi nga penalltia.

Gjeorgjia kishte edhe disa shanse të mira edhe në pjesën e parë, mirëpo që Bjellorusia ishte e kujdesshme.

Në 45 minutat e dytë, mysafirët rrezikuan portën e vendasve, por që mbrojtja ishte e ngjeshur.

Dmitriy Podstrelov i Bjellorusisë kishte shansin ideal që t’i barazonte shifrat në 1-1 në minutën e 65-të, mirëpo goditja e tij përfundoi lartë mbi portë.

Gjeorgjia arriti të mbante portën e pa prekur, për t’ia arritur qëllimit që të kalojë në finale të play-offit të Ligës së Kombeve.

Kujtojmë se Gjeorgjia do të pret fituesin e takimit mes Maqedonisë së Veriut dhe Kosovës që luhet në ora 20:45, për t’u takuar në finale. /Telegrafi/