Gjashtë viktima në tre aksidente në Maqedoninë lindore

Gjashtë persona, nga Koçani, Vinica dhe Dellçeva kanë ndërruar jetë, ndërsa edhe gjashtë bashkëudhëtarë të tyre kanë marrë lëndime të rënda, në tre aksidente të ndryshme që kanë ndodhur natën e kaluar, përcjell Telegrafi Maqedoni.

Dy orë pas mesnate në rrugën magjistrale Koçani-Shtip, në afërsi të fshatit Çiflik ndodhi aksidenti direkt mes makinës “Seat Cordoba” dhe një autobusi. Nga goditjet e marra në vendin e ngjarjes jetë ndërruan dy nga pesë udhëtarë të moshës mes 23 dhe 28 vjeçare, të cilët kanë qenë në makinën me targa të Koçanit.

Në rrugë për në spitalin e Shtipit jetë ndërroi edhe njëri nga bashkëudhëtarët, ndërsa dy të tjerët për shkak të lëndimeve janë transferuar në spitalet e Shkupit dhe Koçanit.

Në periudhën e njëjtë kur ka ndodhur aksidenti në Çiflik, në rugën e njëjtë në vendin e quajtur Viniçka, nga korsia ka dalur makina “Pasat” e drejtuar nga 20-vjeçari nga Vinica. Nga lëndimet e marra edhe ai ka ndërruar jetë në vendin e ngjarjes.

Aksidenti i tretë ka ndodhur rreth orës 09:00 në hyrje të Dellçevës. Në aksidentin që u përfshinë katër makina, ku jetën e humbën shoferi 69-vjeçar dhe 61-vjeçarja bashkëudhëtare në të njëjtën makinë. Nga ky aksident u lënduan edhe katër persona tjerë, prej të cilëve dy më rëndë.

Informacionet e para thonë se arsye për aksidentet ka qenë shpejtësia e madhe e lëvizjes së makinave./Telegrafi/