Gianluca Rocchi pajtohet me vendimet e Irratit në derbin mes Juventusit dhe Interit

Ish-gjyqtari Gianluca Rocchi është pajtuar me vendimet e Massimiliano Irratit gjatë ndeshjes Juventus – Inter.

Ishte një nga ndeshjet më emocionuese dhe më të diskutueshme të sezonit në Allianz Stadium të dielën, kur Nerazzurrët mundën Juventusin falë një goli të Hakan Calhanoglu nga pika e bardhë.

Reprezentuesi turk duhej të gjuante dy herë. Ai humbi të parën, por iu dha një mundësi për ta rimarrë atë, sepse Matthijs de Ligt kishte hyrë në zonë përpara se të prekte topin.

Lexo po ashtu A u dëmtua Juventusi nga VAR-i në derbin me Interin - ky rast po komentohet shumë në mediat sociale

Sipas La Gazzetta dello Sport, Rocchi beson se Irratti nuk gaboi në Torino të dielën mbrëma, megjithëse ndonjëherë kishte nevojë për ndihmë nga VAR. Tifozët e Juventusit apeluan për një penallti në pjesën e dytë, por Rocchi beson se është e paqartë nëse Alessandro Bastoni kishte kontakt me Denis Zakaria brenda apo jashtë zonës.

Të dy Lautaro Martinez dhe Adrien Rabiot i shpëtuan një kartoni të dytë të verdhë të mundshëm gjatë ndeshjes dhe Rocchi beson se Irratti kishte të drejtë që nuk u dha atyre të kuqin.

Pas ndeshjes, mesfushori francez ishte jashtëzakonisht kritik ndaj zyrtarit të ndeshjes, duke thënë se ‘është e vështirë të luash 11 kundër 12’. /Telegrafi/