Galliani i lumtur me formën e mirë të Milanit, e pranon se ndihet i befasuar nga Gattuso

Adriano Galliani është i lumtur me formën e Milanit dhe i vjen mirë që në krye të klubit tani janë njerëzit që duan kuqezinjtë.

Italiani e pranon se është befasuar nga rezultatet e mira të trajnerit Gennaro Gattuso dhe shpreson që Rossonerët së bashku me Interin të kualifikohen për sezonin e ardhshëm të Ligës së Kampionëve.

“Gattuso? Për mua është më të vërtetë një befasi e madhe”, ka thënë Galliani për Radio Anch’io Sport.

“Karakteri i tij më bëri të mendoj se ai vështirë se do të bëhej trajner, por ai është treguar fantastik. Lojtarët po e ndjekin dhe rezultat po vijnë”.

“Pronarët e rinj meritojnë merita të mëdha, po ashtu Leonardo dhe Maldini. Më në fund Milani i takon milanistëve prapë”.

“Paqueta? Më pëlqeu shumë. E uroj Leonardon pasi me atë dhe Piatekin ka bërë një ndryshim. Asnjë ekip në Evropë nuk është forcuar aq shumë sa Milani”.

“Stadiumi i përbashkët mes Interit dhe Milani? Mendoj se bashkëpunimi në mes dy ekipeve mund të jetë një situatë ideale”.

“Derbi? Unë nuk humbi asnjë ndeshje të Milanit, pra mendoj se do ta shikoj edhe këtë ndeshje. Milanistët janë rikthyer mbi romakët. Shpresoj që Milani dhe Interi të kualifikohen në Ligën e Kampionëve”.

Në fund shefi ekzekutiv i Monzas në Serie C u pyet edhe për situatën e Mauro Icardit te Interit: “Marotta është një drejtor i madh, pra nuk do ta komentoj”, ka thënë Galliani. /Telegrafi/