Gabimet më të shpeshta të cilat i bëni kur gatuani ushqimin: Kështu e shkatërroni ushqimin!

Sado që të jeni të shkathtë në kuzhinë, me rastin e gatimit të ushqimit përvidhet ndonjë gabim, i cili, mbase do ta prishë shijen e drekës apo darkës

Ekspertët zbulojnë se cilat janë gabimet më të shpeshta të cilat i bëjnë amvisat në përgatitje të ushqimit, transmeton Telegrafi.

∙ Nëse pas pjekjes mishin nuk e lini të qëndrojë, do të rrjedhë lëngu, ndërkaq mishi do të bëhet i thatë dhe i pashije.

∙ Edhe një gabim i madh është nxehja e pamjaftueshme e furrës apo e tiganit.

Nëse e fusni mishin, i cili më parë ka qëndruar në temperaturë dhome, në furrën jo mjaft të nxehur, rrezikoni zhvillimin e baktereve.

Veç kësaj, artikujt mund të ngjiten për fundin e enës nëse i vendosni në enë të ftohtë. Prandaj, më së miri është që ushqimin ta qitni në vaj shumë të nxehur në zjarrin më të madh, të cilin pastaj do ta zvogëloni.

∙ Nuk duhet as ta zieni në ujin i cili është tepër i vluar, por lëreni që ushqimi në tenxhere të vlojë ngadalë. Vlimi i fuqishëm krijon avull, i cili than dhe shkatërron proteinat e mishit.

∙ Për ruajtje të ngjyrës së perimeve, siç janë panxhari apo bishtajat e gjelbra, më së miri është zierja e shkurtër në zjarr të madh dhe shpëlarja nën vrushkull të ujit të ftohtë.

∙ Shumica nga buka bajat do ta presin mykun dhe do të sillen sikur asgjë nuk ka ndodhur. Derisa myku është i parrezikshëm për artikuj të fortë siç janë djathi, speci apo karota, krijon rrezik të lartë te jogurti, djathi dhe buka.

∙ Kalimi i shpëlarjes së makaronave nuk është gabim i madh, por shkatërron shijen dhe qullin natyral i cili do të dendësojë salcën e cila shërbehet me makarona. Më së shpeshti shpëlahen makaronat të cilët përgatiten si sallatë e ftohtë.

∙ Kur pjekim mishin është me rëndësi trashësia e copës dhe temperatura në të cilën piqet. Në të vërtetë, në temperatura tepër të larta proteinat kompresohen, andaj mishi bëhet i fortë. Prandaj, më mirë është ta piqni më gjatë në temperaturë më të ulët se sa më shkurt në temperaturë më të lartë. /Telegrafi/