Fusha në Bernabeu në gjendje perfekte para El Clasicos (Foto)

Kujdes i veçantë po i kushtohet fushës në Santiago Bernabeu para duelit më të madh në botën e futbollit.

Real Madridi dhe Barcelona përplasen në atë që pritet të jetë dueli vendimtar për sezonin në La Liga.

Për sonte mbrëma kur dhe zhvillohet ky duel, janë paraparë që të jenë para ekranit plot 650 milionë shikues nga mbarë bota, shkruan Telegrafi.

Vet kjo, ka shtyrë zyrtarët në Bernabeu që të jenë shumë të përkushtuar në mënyrë që fusha të jetë në nivel të përkryer.

Lexo po ashtu Gjithçka rreth El Clasicos

Zyrtari përgjegjës për terrenin e lojës në Madrid është shprehur i ngazëllyer që sot terreni do të jetë në një nivel të jashtëzakonshëm.

“Jo çdo ditë keni 650 milionë njerëz që shikojnë punën time dhe të stafit tim, nuk kemi nga të fshihemi, është El Clasico i madh”, ka deklaruar Burgess para takimit, teksa prezantoi fushën në Bernabeu.

Barcelonës i konvenojnë fushat me bari të shkurtër dhe të lagura në mënyrë që të zhvillojë futboll të shpejt, gjë që e ka pasur parasysh Mourinho i cili dikur urdhëronte zyrtarët përgjegjës për fushën që ta lënë barin të rritet dhe që të mos e ujitin në mënyrë që të vështirësohet qarkullimi i topit.

Por, duket se sonte nuk do të kemi një rast të tillë, pasi Burgess është përkujdesur që fusha të jetë në nivel për të dyja skuadrat. /Telegrafi/