FSHF: Shqipëri – Poloni, njoftim i rëndësishëm për tifozët shqiptarë

Shqipëria do të luaj në 20:45 në “Air Albania” ndeshjen me Poloninë e cila do të vendosë shumë për të dyja skuadrat sa i përket kualifikimit në “Play-Off” për Botërorin e Katar 2022.

Para ndeshjes, Federata Shqiptare e Futbollit ka bërë një njoftim të rëndësishëm për tifozët shqiptarë që do të jenë në stadium.

FSHF njofon se nuk do të lejohen disa sende si, sende të forta, shishe uji, çadra, çelësa metalik apo lëndë piroteknike, por vetëm flamuri zyrtare shqiptar.

Lexo po ashtu Edy Reja pritet t'i bëjë disa ndryshime: Formacioni i mundshëm i Shqipërisë ndaj Polonisë

Njoftimi i plotë:

Federata Shqiptare e Futbollit dëshiron të njoftojë të gjithë tifozët shqiptarë që do të jenë të pranishëm mbrëmjen e sotme në stadiumin kombëtar “Air Albania” për të ndjekur ndeshjen “Shqipëri – Poloni”, e vlefshme për kualifikueset e Kampionatit Botëror “Katar 2022” mbi orarin e hyrjes së tyre në stadium dhe mbi një pjesë të materialeve që nuk do të lejohen të mbahen me vete në stadium.

– Hyrja e tifozëve do të fillojë në ora 18:00.
– Të gjithë personat që janë të pajisur me biletë, duhet të kenë me vete dokumentin e identifikimit si dhe nuk do të lejohen fëmijët nën moshën 16 vjeç, të cilët janë të pashoqëruar nga prindërit.
– Nuk do të lejohen disa sende si, sende të forta, bidonë uji, çadra, çelësa metalik apo lëndë piroteknike etj
– Lejohet vetëm flamuri zyrtar shqiptar.

Duke ju falenderuar për mbështetjen e pakufishme që i jepni gjithmonë ekipit Kombëtar shqiptar, shpresojmë në mirëkuptimin tuaj dhe në mbështetjen tuaj të përhershme. /Telegrafi/

𝑺𝒉𝒒𝒊𝒑𝒆̈𝒓𝒊 🇦🇱- 🇵🇱 𝑷𝒐𝒍𝒐𝒏𝒊, 𝒏𝒋𝒐𝒇𝒕𝒊𝒎 𝒊 𝒓𝒆̈𝒏𝒅𝒆̈𝒔𝒊𝒔𝒉𝒆̈𝒎 𝒑𝒆̈𝒓 𝒕𝒊𝒇𝒐𝒛𝒆̈𝒕 𝒔𝒉𝒒𝒊𝒑𝒕𝒂𝒓𝒆̈❗️https://t.co/oQg18GSrEb

— FSHF (@FSHForg) October 12, 2021