France Football po ndryshon një rregull për Topin e Artë – lajm fantastik për Lewandowskin

France Football raportohet se po konsideron ndryshimin e një rregulli të mëparshëm të Topit të Artë.

Gazeta franceze e ka ndarë çmimin prestigjioz çdo vit nga viti 1956 e tutje – përveç një rasti shumë të rëndësishëm. Në vitin 2020, Topi i Artë u anulua për shkak të pandemisë COVID-19 dhe ndikimit që pati në futboll atë vit.

Disa sezone u ndërprenë si rezultat dhe çmimi u hoq përpara se të rifillonte një vit më vonë në 2021 dhe të fitohej nga Lionel Messi.

Lexo po ashtu Lewandowski parashikon dy lojtarët që mund ta fitojnë Topin e Artë këtë vit

Megjithatë, shumë menduan sikur Robert Lewandowskit i ishte ‘grabitur’ trofeu i vitit 2020, përpara se të vinte i dyti pas Messit një vit më vonë.

Lewandowski shënoi 47 gola në 44 ndeshje në të gjitha garat për klubin dhe vendin, si dhe fitoi Bundesligën dhe Ligën e Kampionëve.

Me marrjen e çmimit të tij për vitin 2021, Messi pretendoi se ish-sulmuesi i Bayern Munichut e meritonte të fitonte trofeun.

Kryeredaktori i France Football, Pascal Ferre, iu drejtua lutjes së Messit dhe theksoi nevojën për të “respektuar historinë e Topit të Artë”.

Megjithatë, një raportim i ri nga SPORT pretendon se Lewandowski mund t’i dorëzohet çmimi në fund të fundit.

Lexo po ashtu Messi mund të mbetet vetëm me shtatë Topa të Artë, nisin hetimet për atë të vitit 2021

Me sugjerimet se Paris Saint-Germain ushtroi presion për të siguruar fitoren e Messit në 2021 dhe frikën për reputacionin e tyre, revista thuhet se “po vlerëson mundësinë që Lewandowski” të marrë meritën e duhur.

Lewandowski fitoi çmimin Lojtari më i mirë i FIFA-s për meshkuj për vitin 2020, por kohët e fundit ka pranuar se do të pranonte me kënaqësi një Top të Artë të parë edhe pse të vonë. /Telegrafi/