Formacioni i mundshëm i Kosovës ndaj Armenisë – Franco Foda i beson ‘senatorëve’

Përzgjedhësi i ri i Përfaqësueses së Kosovës, Franco Foda ka ndarë mendjen për formacionin që pritet ta zbres në fushë për ndeshjen e sotme (e premte) ndaj Armenisë.

Kosova do të luajë në udhëtim te Armenia, në ndeshjen që do të jetë e para për përzgjedhësin e ri, Franco Foda.

Ky takim është paraparë të zhvillohet në ‘Vazgen Sargsyan Republican Stadium’ të Yerevanit, me fillim nga ora 17:00.

Lexo po ashtu Kush është Armenia, kundërshtari i Kosovës? Lojtarët, vlera e ekipit dhe forma

Por, si do të luajë Kosova në këtë ndeshje?

Trajneri gjerman, Foda ka pasur katër seanca stërvitore për të parë nga afër gjendjen e lojtarëve të Kosovës.

Telegrafi mëson se Foda nuk pritet të bëjë shumë ndryshime dhe do të ‘debutoj’ duke iu besuar fanellën e titullarit ‘senatorëve’ të ekipit.

57-vjeçari do të bazohet te lojtarët më të vjetër, për të parë se cilët janë të gatshëm për vazhduar projektin e tij, para se t’u bëjë vend disa të rinjve.

Foda në këtë ndeshje pritet të startojë me një rreshtim 4-3-3, por që shumë lehtë mund të kthehet në 3-4-2-1.

Në portë pritet të jetë Arijanet Muric, ndërsa në mbrojtje Mërgim Vojvoda dhe Leart Paqarada nga krahët dhe Amir Rrahmani e Fidan Aliti në qendër.

Lexo po ashtu Lexuesit e Telegrafit dëshirojnë lojë sulmuese - ky është formacioni i tyre ndaj Armenisë

Mesfusha do t’i besohet treshes Florian Loshaj, Florent Muslija dhe Donat Rrudhani, i cili mund të luajë edhe në krahun e majtë nëse rreshtimi kthehet me tre mbrojtës qendre dhe Paqarada bëhet partner me Rrahmanin dhe Alitin.

Në sulm, Vedat Muriqi do të jetë në qendër, i ndihmuar nga Edon Zhegrova dhe Milot Rashica. /Telegrafi/

Formacioni i mundshëm i Kosovës 

View this post on Instagram

A post shared by Telegrafi Sport (@telegrafisport)