Flatron “juanflatroo” Halimi njofton zyrtarisht largimin nga ekipi BLINK në CS:GO

Muajin e fundit, fansat e ekipit shqiptar BLINK në CS:GO janë tronditur nga thashethemet për një përçarje mes lojtarëve dhe menaxhmentit, e posaçërisht me largimin e dy lojtarëve si Rigon “rigoN” Gashi dhe Sener “SENER1” Mahmuti.

Largimi i këtyre dy lojtarëve u përcoll me një kritikë të madhe nga fansat, por siç duket edhe nga kolegët e tyre, duke përfshirë edhe lojtarin e njohur profesionist të CS:GO, Flatron “juanflatroo” Halimi.

Ky i fundit, kishte njoftuar se për shkaqe mjekësore do të shkëputej nga CS:GO përkohësisht.

Lexo po ashtu Krejt çka i duhet një gameri: Set 4në1 në zbritje – tastierë, maus, kufje dhe mousepad

Por, fansat kishin menduar se arsyetimi i tij më shumë ishte protestë ndaj menaxhmentit dhe se juanflatroo nuk dëshironte të luante në një ekip pa bashkëlojtarët e vet të larguar.

E pak minuta më parë, Flatron “juanflatroo” Halimi ka njoftuar se përmes një marrëveshje të përbashkët me ekipin BLINK kanë vendosur ta ndërpresin kontratën, transmeton Telegrafi.

Farewell to a beautiful and successful journey with many goals achieved and many golden memories. On a mutual consent my contract will be terminated with @TeamBLINK_, thanks for the memories, looking forward to write my new chapter ??

— juanflatroo (@juanflatrooo) February 5, 2022

“Lamtumirë rrugëtimit tim të bukur e të suksesshëm me shumë qëllime të arritura e shumë kujtime të arta. Me vullnet të dy palëve, kontrata jem me ekipin BLINK është ndërprerë. I falënderoj për kujtimet, dhe personalisht po shikoj para drejt kapitullit tim të ri”, ka shkruar ai në llogarinë e vet në Twitter.

Përndryshe, aludimet janë në rritje se 5 lojtarët e kamotshëm të BLINK synojnë të bashkohen nën ombrellën e ndonjë organizate tjetër. Pra, së shpejti mund t’i shohim prapë duke luajtur bashkë lojtarët juanflatroo, rigoN, SENER1, gxx dhe synnposyy. /Telegrafi/