Shiu i furishëm gjatë Javës së Modës në New York, nuk e ndaloi interesin e vajzave që e duan të bukurën dhe çdo tendencë tjetër që vjen direkt nga pasarelat
Detaji që ra në sy gjatë prezantimit të koleksioneve Pranverë/ Verë 2024 ishin flokët dhe modelet e stilit romantik, të tipit Audrey Hepburn.
Lidhëse të gjata si aksesorë, fjongo të përfshira në gërsheta ishin vetëm disa nga versionet që u prezantuan në pasarelë.
Shirita të gjatë, lidhëse që duken si të hequra nga puantet (këpucët e balerinave) i japin “prekjen” romantike çdo modeli flokësh, nga të lëshuarat, tek bishtalecat apo versioni i “gërshet-korse” ku flokët kapen bashkë me lidhësen për të formuar njësoj mënyrën sesi lidhet një korse në trup.
Këto janë modele flokësh të lezetshme për t’u krijuar nga çdo vajzë gjatë sezonit të ri. Prandaj mos harroni t’i shtoni pamjes suaj fjongo apo lidhëse si aksesorë.
