Klubi nga kryeqyteti, Prishtina, është skuadra që ka fituar më shumë trofe të Kupës së Kosovës, pasi pesë herë e kanë ngritur atë që nga pavarësimi i futbollit, ku katër erdhën nga paslufta.
Prishtina është klubi më i trofeshëm në Kosovë sa i përket fitimit të Kupës me pesë trofe në sirtar.
Pas tyre deri më tani ishte Besa e Pejës, që kishte tre trofe të Kupës, por nga e premtja pejanët janë barazuar nga Feronikeli i Drenasit.
Feronikeli ka shtatë sezone në Superligën e Kosovës, por dje fitoi kupën e tretë të Kosovës në histori, pasi në finale mposhti Trepçën '89 me rezultat 5-1.
Nga paslufta, dy herë ka triumfuar Liria e Prizrenit në Kupën e Kosovës, e cila e ka edhe një para-lufte, ndërsa skuadrat tjera e kanë vetëm nga një të tillë.
Nga një titull kupe e kanë Gjilani, i cili e ka fituar në sezonin e parë të pasluftës, ndërsa pas tyre vijnë Drita, Besiana, KEK-u, Kosova e Prishtinës, Vëllaznimi, Hysi dhe Trepça '89.
Ndërsa, pas pavarësimit të futbollit të Kosovës nga ish-Jugosllavia trofeun e kanë fituar nga një herë edhe Prishtina, Trepça, dhe Liria, ndërsa Flamurtari e ka fituar dy herë (1992/93 dhe 1995/96).
Fituesit e Kupës nga pavarësimi i futbollit: 1991–92 Trepça 1992–93 Flamurtari 1993–94 Prishtina 1994–95 Liria 1995–96 Flamurtari 1996–97 2 Korriku - Drita, finalja nuk u zhvillua 1997–98 Nuk u zhvillua 1998–99 Nuk u zhvillua 1999/2000 – Gjilani 2000/2001- Drita 2001/2002- Besiana 2002/2003- KEK-u 2003/2004-Kosova e Prishtinë 2004/2005 – Besa e Pejë 2005/2006 – Prishtina 2006/2007 – Liria 2007/2008 – Vëllaznimi 2008/2009 – Hysi 2009/2010 – Liria 2010/2011 – Besa Pejë 2011/2012 – Trepça ’89 2012/2013 – Prishtina 2013/2014 – Feronikeli 2014/2015 – Feronikeli 2015/2016 – Prishtina 2016/2017 – Besa Pejë 2017/2018 – Prishtina 2018/2019 – Feronikeli/Telegrafi/
