Fitorja e Qipros ndaj Greqisë e bën grupin e Kosovës të komplikuar, kombinimet që mund të ndodhin në xhiron e fundit

Qipro ka shënuar fitore ndaj Greqisë me rezultat 1-0, duke e bërë grupin ku gjendet edhe Kosova të komplikuar për djelmoshat tanë.

Goli i Marinos Tzionis në pjesën e parë vendosi këtë ndeshje, duke bërë që Qipro të shpresojë që të largohet nga pozita e fundit, pasi ka 5 pikë, aq sa Irlanda e Veriut, dhe nga një më pak se Kosova që është e dyta me 6 pikë.

E pikërisht kundër Qipros, djelmoshat tanë e kanë ndeshjen e fundit në këtë fazë të grupeve.

Një fitore, Kosovës do tua konfirmonte pozitën e dytë në grup, ndërsa një humbje do të ishte shumë e rrezikshme.

Kjo pasi që Irlanda e Veriut luan ndaj Greqisë që e ka siguruar pozitën e parë dhe fitorja e irlandezëve verior e kombinuar me humbjen e Kosovës do të thoshte pozita e fundit në grup.

E kjo pozitë do ta dërgonte Kosovën në play- out për Ligën D.

View this post on Instagram

A post shared by Telegrafi Sport (@telegrafisport)

Të shpresojmë që kjo të mos ndodh dhe Kosova të fitojë sërish kundër Qipros siç bëri në qershor kur si mysafir fitoi 2-0. /Telegrafi/