Fitër Bajrami shënon fundin e Ramazanit – ja çfarë është dhe kur fillon

Pas një muaji abstenimi nga ushqimi dhe uji, myslimanët në të gjithë botën festojnë fundin e Ramazanit me një festë.

Çfarë është Fitër Bajrami?

Bajrami, i cili është arabisht do të thotë ‘festë’ ose ‘festival’, festohet nga myslimanet për të shënuar ngjarje të rëndësishme në kalendarin hënor islamik.

Në muajin e nëntë, i njohur zakonisht si Ramazan, myslimanët agjërojnë nga agimi deri në perëndimin e diellit.

Fitër Bajrami është festa e prishjes së agjërimit, ku familja dhe miqtë bashkohen për t’u kënaqur në shoqërinë e njëri-tjetrit.

Kur është Fitër Bajrami?

Këtë vit, Ramazani filloi në mbrëmjen e së martës, 13 prill dhe do të përfundojë në mbrëmjen e së mërkurës, 12 maj – e cila më pas shënon fillimin e Fitër Bajramit.

Si festohet?

Ndërsa Fitër Bajrami zakonisht zgjat për tre ditë, ai mund të shtrihet në një festë njëmujore në varësi të kulturave dhe vendeve.

Është një kohë kur myslimanët veshin rroba të reja dhe zbukurojnë e pastrojnë shtëpitë e tyre. Dita e parë e Bajramit zakonisht fillon me një lutje para se të mblidheni në shtëpi për të festuar me një banket me ushqime të ëmbla dhe të shijshme.

Lexo po ashtu Çfarë duhet të ketë në sofër për Bajram?

Ëmbëlsirat e bëra posaçërisht për këtë festë janë të veçanta dhe dhuratat ose zarfet e parave u jepen fëmijëve dhe të moshuarve. Fitër Bajrami është gjithashtu një kohë kur myslimanet inkurajohen të falin dhe të kërkojnë falje.

A ka dy Bajrame?

Fitër Bajrami nuk duhet të ngatërrohet me festën tjetër të Bajramit, Bajramin e Madh që festohet në muajin e 12-të të kalendarit hënor Islam.

Kurban Bajrami është i njohur si festivali i sakrificës i cili gjithashtu pason përfundimin e Pelegrinazhit të Shenjtë vjetor të Haxhit.

Gjatë kësaj kohe, familjet marrin pjesë në therjen e kafshëve të tilla si dele, dhi dhe lopë ku mishi do të ndahet midis fqinjëve, miqve dhe atyre që nuk kanë kushte të mira materiale. /Telegrafi/