Këngëtarja e njohur shqiptare, Fjolla Morina, po vazhdon të mbetet në paraburgim pas arrestimit në mëngjesin e 19 korrikut.
Arrestimi i saj erdhi pas një urdhër-arresti të lëshuar nga Interpoli, meqë mbi këngëtaren rëndon një dënim disa vjeçar i shpallur nga Gjykata e Kukësit në Shqipëri.
Që prej rastit e deri më tash nuk ka pasur ndonjë reagim nga vet këngëtarja lidhur me ngjarjen.
Mirëpo të mërkurën në mbrëmje ishte bashkëshorti i këngëtares, Fisnik Syla, ai i cili përmes një fotografie të publikuar në rrjetin social Facebook, shprehur mbështetjen e tij për gruan me të cilën u martua këtë vit.
Ai ka zgjedhur një fotografi të çiftit nga martesa në Ishujt Maldive, ku Fisniku shihet i veshur me kostumin e dhëndrit dhe Fjolla me fustanin e bardhë të nusërisë.
“Përgjithmonë bashkë, çdo herë me ty dhe për ty shpirti im...Do ta kalojmë këtë sfidë dhe do të na mbetet e pa dëshiruar. Jam i bindur se drejtësia do të fitojë dhe pafajësia jote do të vërtetohet. Të dua sot dhe përgjithmonë jeta ime”, ka shkruar Fisnik Syla në Facebook.
I njëjti më pas publikoi edhe një tjetër ‘selfie’ të çiftit, të realizuar para pasqyrës në ditën më të rëndësishme të jetës së tyre. /Telegrafi/
Foto: Fisnik Syla/Facebook
