Fisnik Juniku, moderatori i njohur i "Shok Podcast", ka paralajmëruar lansimin e sezonit të ri të podcastit të tij përmes disa imazheve të reja që ka publikuar në Instagram.
Përmes fotografive, ai ka treguar përgatitjet e tij për "Season 5" të emisionit, ku do të vazhdojë të sjellë biseda me emra të njohur nga shoubizi vendor.
Në fotografitë e publikuara, Juniku shfaqet në një ambient të ngrohtë dhe të mbushur me dritë, i ulur dhe qëndron me mikrofona dhe një gotë në dorë, duke krijuar një atmosferë miqësore dhe të qetë që do të karakterizojë sezonin e ri.
Ai mban një veshje të thjeshtë dhe elegante, duke theksuar stilin e tij personal, ndërsa prapa tij ndodhet një dekor modern dhe tërheqës, që përfshin një logon e "Shok Podcast", që është një detaj i rëndësishëm për markën e tij.
"Season 5" është një lajm emocionues për ndjekësit e "Shok Podcast", pasi Juniku ka arritur të krijojë një lidhje të fortë me audiencën, duke i sjellë biseda të sinqerta dhe interesante me personazhe të njohura të shoubizit.
Ky sezon pritet të sjellë diskutime interesante dhe intervista që do të pasqyrojnë më shumë se kurrë kulturën dhe zhvillimet e fundit në industrinë e argëtimit. /Telegrafi/
