Filmat fitues të edicionit të 11-të të Festivalit të Filmit të Animuar “ANIBAR”

Sot u përmbyll programi dhe aktivitetet e planifikuara për shtatë ditët e edicionit të 11-të të Festivalit Ndërkombëtar të Filmit të Animuar “ANIBAR”.

Pjesë e programit të këtij edicioni kanë qenë 165 filma, të cilat janë shfaqur në platformën online.anibar.org dhe do të vazhdojnë të shfaqen deri më 30 gusht.

Si në edicionet e tjera filmat janë ndarë në kategori garuese, jogaruese dhe filma të metrazhit të gjatë. Ndërkohë, pjesë e garës kanë qenë 135 filma.

Nata e fundit e festivalit dhe ndarjes së çmimeve është transmetuar drejtpërdrejtë në KTV dhe në rrjetet sociale të ANIBAR.

Juria ndërkombëtare, e përbërë nga Clémence Bragard, Yves Nougaréde, Joanna Priestley, ka ndarë çmimet për kategorinë e Filmave Ndërkombëtar, Ballkanit dhe të Drejtave të Njeriut.

Juria studentore, e përbërë nga Djellza Bullaku, Doki Qerimi, Elvira Thaqi, Qendrim Hoxhaj, Nita Xerxa nën mentorimin e Annegret Richter kanë ndarë çmimet për filmat garues në kategorinë e Filmave Studentor dhe atë të Video Animacionit Muzikor.

Filmat fitues të këtij edicioni janë: 

Në kategorinë ndërkombëtare:  Acid Rain

Special Mention:

• Flesh
• Just A Guy
• Average happiness

Në kategorinë studentore: Un diable dans la poche

Special Mention:

• In Orbit
• Gravedad

Në kategorinë e Ballkanit: All those sensations in my belly

Special mention: Arka

Në kategorinë e të drejtave të njeriut: Umbilical

Special Mention: Migrante

Në kategorinë e video animacionit muzikor:Kishi Bashi – Violin Tsunami

Special Mention: 

• Christmas Morning
• The Turning Point