Fillimisht e shkarkuan për shkak të postimit të fotografive, më pas të njëjtit i kërkuan “zbritje” – rrëfimi i ish-polices amerikane

Ish-policja Melissa Williams, 46-vjeçe, pretendon se u detyrua të “pensionohet” pasi që shefave të saj u arriti një njoftim anonim për aktivitetet e saj jashtë punës, më saktësisht se nga maji i vitit 2020 realizon fotografi eksplicite në OnlyFans.

Ajo zbuloi se arsyeja e vetme pse filloi të bëjë një gjë të tillë, ishte se dëshironte “ta ndizte” paksa jetën e saj seksuale me bashkëshortin, dhe se ishte e etur për pak relaks pasi që në punë ballafaqohej me probleme të ndryshme derisa punonte si police në Colorado të SHBA-ve, transmeton Telegrafi.

Tani Melissa e cila në rrjetet sociale përdor pseudonimin Lexi Bella, bëri publike historinë e saj e në Instagram aktualisht e ndjekin mbi 10 mijë njerëz.

Shumë prej tyre, janë ish-kolegë për shkak të cilëve “ndjeu ferrin”, e sot i kërkojnë “zbritje” për fotografitë lakuriq.

“Kam parë porositë në Instagramin tim nga ish-kolegët që më lusin t’ju dërgojë diçka falas, po më pyesin edhe nëse ka zbritje për policët. Përgjigja ime e përhershme është – jo”, tha Melissa.

Kjo amerikane punoi si police për 28 vite, e vetëm pak kolegë i dërguan mesazh përkrahje pasi u shkarkua.

“Tani shumë prej tyre që më përqeshnin dhe shpërndanin thashetheme për mua, janë të njëjtit që më kërkojnë fotografi. Kur isha në pushim mjekësor, pranova telefonata nga kolegët se po përhapen thashethemet për mua. Jam ndjerë sikur gjithçka po rrënohej rreth meje”, shtoi ajo. /Telegrafi/