Filipçe: Masa për heqjen e kuotave tregon rezultate

“Në vetë farmacitë farmacistët tregojnë se nuk ka më shumë turma, panik te pacientët. Në cilëndo qoftë ditë të muajit, pacientët vijnë deri te ilaçi i nevojshëm me recetë dhe kjo në të vërtetë ndjehet”.

Këtë e deklaroi ministri i Shëndetësisë Venko Filipçe, gjatë vizitës së sotme në farmacitë në Shkup, përcjell Telegrafi Maqedoni.

Ai përkujtoi se projekti ka filluar si projekt pilot gjatë muajve të verës në vendet turistike në Ohër, Strugë, Dojran, Resnjë dhe Gjevgjeli. Ai shtoi se masa ka treguar rezultate të shkëlqyera dhe pacientët në ato zona dhe qytete janë të kënaqur.

“Me zbatimin e kësaj mase, kemi pacientë dhe qytetarë të kënaqur në të gjithë territorin e shtetit. Masa e cila më herët duhej të zbatohet, kjo Qeveri e zbatoi me qëllim që ta përmirësojë qasjen deri te terapia dhe cilësia e nevojshme të mbrojtjes shëndetësore”, tha Filipçe.

Ai paralajmëroi rritje të kapaciteteve dhe përfitimeve të mjekësve primarë amë, të cilët me vite nuk kanë pasur rritje të kapitacionit./Telegrafi/