FIGC merr vendim të madh për lojtarët britanikë dhe zviceranë që luajnë në Itali

Federata Italiane e Futbollit (FIGC) ka njoftuar zyrtarisht vendimin e tyre për të trajtuar futbollistët britanikë dhe zviceranë si qytetarë të BE-së për qëllime të regjistrimit të skuadrës.

Klubet italiane janë në gjendje të nënshkruajnë vetëm dy lojtarë jashtë BE-së në sezon, një problem me të cilin Milani hasi këtë verë pasi bëri një lëvizje për Ruben Loftus-Cheek, duke i lënë ata me vetëm një vend për lojtarë jashtë BE-së në dispozicion.

As Britania e Madhe dhe as Zvicra nuk janë pjesë e Bashkimit Evropian, megjithëse Helvetikët janë pjesë e zonës Shengen.

Siç u njoftua sot, futbollistët në Itali me nënshtetësi britanike dhe zvicerane konsiderohen tashmë të barabartë me qytetarët e BE-së në të gjitha aspektet, një ndryshim që zbatohet nga sezoni 2023/24 e në vazhdim.

📰 Players from England and Switzerland are equated to EU players already for the 2023/24 season by decision of the Federal Council of the FIGC (Italian Football Federation). pic.twitter.com/tkCpnoPgno

— Milan Posts (@MilanPosts) July 26, 2023

Vendimi tani do të thotë që Milani ka dy vende të lira për lojtarët ‘jo-BE’ në dispozicion në skuadër.

Njëri prej tyre do të plotësohet nga sulmuesi anësor i Villarrealit, Samuel Chukwueze, por tjetri është i lirë, duke i dhënë klubit më shumë fleksibilitet në tregun e transferimeve.

Daichi Kamada ishte i lidhur me një lëvizje te kuqezinjtë këtë verë, por ishin të rezervuar për shkak të statusit të tij ‘jo-BE’. /Telegrafi/